「今日Urban Touch南豐紗廠。位於荃灣柴灣角工業區的紗廠建於五十年代，八六、八七年紗廠生意最好，一年運作三百五十三日，仲要係廿四小時，訂單接唔停手！去到2003年，訂單愈嚟愈少，最尾喺2008年結束運作，廠房變成倉庫。
而家紗廠進行緊改建工程，會被活化成「The Mills」一個有展覽、零售、創業培育中心嘅地方，喺改變前，有機會入去參觀，仲有以前喺紗廠做Sales and marketing 嘅袁先生講吓紗廠同香港紡織業歷史。」